ادعي الله عزوجل أن يصلحه ويهديه
م عليكم.. انا متزوجه من 3 سنوات وعندي بنت سنتين..انا لما جوزي تقدم لاهلي قال انه بيشتغل محاسب وبيقبض 1500 جنيه وان عنده شقه ملك بس مش مناسبه للجواز لانها صغيره فحناخد ايجار لحد لما ربنا يكرم .. سألنا عليه ف بيته وطبعا الناس شكروا فيهم وف اهله بس بصراحه ماسالناش ف الشغل لانه كان من طرف ناس ثقه.. المهم عدت الايام واتجوزت .. وبعد الزواج اكتشفت انه مابيشتغل وانه مرفود من عمله ومش قايل لحد خالص..الشقه اللي قالنا عليها طلعت من بتاعته اصلا مع انه اخدنا يوم وفرجنا عليها ولاقينها صغيره ومش مناسبه فعلا.. من اول يوم وهوه داخل علينا بالكذب.. المهم انا ماتكلمتش ف موضوع الشغل وقولت ان شاء الله ربنا يكرم بحاجه احسن.. وعدت الايام ولقيت الموضوع زاد عن حده وهوه بقى بيكلم بنات ع النت وطبعا مش كلام عادى. ووصلت انه مد ايده عليا 3 مرات.. وكان كل مااقوله على موضوع الشغل يقول انا عايز اشتغل حاجه بحبها علشان مااسيبهاش.. المهم عدت الايام لحد لما تعبت منه ومن تصرفاته وسيبت البيت وانا حامل ف الشهر الثالث.. طبعا اهله غلطوني اني سبت البيت من غير مااقوله ولما قولت انه مد ايده وانه بيكلم بنات ع النت وع التليفون ده مكنش مبرر بالنسبه لاخوه اني اسيب البيت من غير مااقوله.. المهم خلصت المشكله ورجعت البيت ولحد دلوقتي مافيش اي جديد حصل لحد دلوقتي مااشتغلش وانا من معاشرتي ليه ومن كلامه هوه مش عايز يشتغل.والده بيصرف علينا يبقى يشتغل ليه.طبعا مهما كان اللي والده بيديهوله ده طبعا مش بيكفي غير اكلنا وشربنا .. بنتي وانا لينا متطلبات تانيه وهوه مش حاسس باي حاجه .. الحاجه الوحيده اللي اتغيرت انه مابقاش يمد ايده.. لكن غير كده زي ماهوه .. بيكلم بنات.. نت وتليفون . وانا تعبت ومابقتش قادره استحمل العيشه دي.. دي مش عيشتي ولا انا كنت عايشه كده.. وفي حاجات كتير بتحصل بتكرهني فيه اكتر واكتر.. ايوه انا وصلت لمرحله اني بقيت اكرهه فعلا .. ده انسان مريض ومش طبيعي .. وصل بيه الفضا انه يعمل فيس بوك باسم واحد تاني علشان يدخل يشتم اصحابه ويوقع بينهم وبين بعض من غير ماحد يعرف هوه مين.. انسان مريض وجبان ياريت حد يفيدني انا اعمل ايه.. انا تعبت جداااااا ومابقتش قادره استحمل اكتر من كده انا عندي 29 سنه وحاسه انهم 59 اعمل ايه.. ووضع بنتي ايه وهل يبقى حرام عليا لو سيبته وحرمتها من ابوها مع انه اب غير صالح بالمره وانا دايما ادعي ربنا ان اللي هوه بيعمله ده مايتردلهوش ف بنتي.. مع العلم اني عملت مشكله من شهر تقريبا ولجأت فيها الى اهله ولم الجأ الى اهلي وهما بصراحه وقفوا بجانبي واتكلموا معاه وقالوا ان طبعا الوضع ده مايعجبش حد.. ووعدوني انه حيتغير واني حشوف انسان تاني وانا بنفسي حروح اقولهم انه اتغير .. ولكن لم يحدث اي تغيير فهو كما هو بل من اسوء لاسوء
ادعي الله عزوجل أن يصلحه ويهديه وساعديه في المحافظه على الصلاه في المسجد واصبري واصلحي ما بينك وبين الله عزوجل ولا تيأسي من رحمة الله، وكيف تريدين الجنة بدون تعب فالإنسان إذا انشغل بالطاعه ابتعد عن المعصيه، وساعديه في البحث عن العمل ولا تجعليه يختلي مع الهاتف والنت بل قولي له لنخرج وتكلمي معه حتى يتغير .
لاتوجد تعليقات