دائماً التقرب إلى الله بالطاعات تحتاج إلى صبر كبير وجميل
السلام عليكم في البدايه احب اشكركم وارجوكم تردوا عليا ضروري وتفتوني برأي الدين وبالاصح سؤالي عن النقاب انا منتقبه من حوالي اربعه شهور اقتداءا بامهات المؤمنين وتقربا لربي المشكله اني نفسي احافظ علي نقابي والتزم بيه صح وخصوصا اني في جو مش مغلق اوي وممكن حد يدخل فجاءه وما كنش مغطيه وشي وانا واجهت كتيير وحاولت اصمد وخصوصا ان تمسكي دا مش عاجب اهلي واللي كانوا رافضين اني البسه في البدايه حصل موقف ان ولاد خالي كانوا عايزين يباركولي علي النجاح وماما وبابا كانوا مصرين اني لازم اسلم عليهم ومنعوني ان اطلع بالنقاب وقالولي بلاش تكسفينا وتحرجينا وحرام عليكي وهددوني ان ممكن يخلوني اقلعه خالص وكانوا بيحسسوني اني هاكسر فرحتهم وخصوصا اني الحمد لله بفضله اتخرجت بتفوق وانا الاولي علي دفعتي وهما فرحانيين بيا المهم انا خرجت سلمت بس حطيت طرحه علي راسي ونزلتها علي وشي وكنت باصه لتحت عشان ما حدش يشوفني وطبعا موقف محرج وسط ضيق بابا وماما وتكرر الموقف مع ابن عمي هو كبير ومتزوج انا حطيت الطرحه بس ما قدرتش انزلها لان بابا كان جمبي وتقريبا ابن عمي شافني انا تعبانه جدا بسبب اللي حصل دا ومش عارفه انا صح ولا غلط اراضي بابا وماما وما ادخلش معاهم في خناق ومواجهات كل شويه واشد ولا لا طاعه لمخلوق في معصيه الخالق ارجوكم وجهوني للصح وخصوصا اني حاسه اني تعبت من المواجهه والكلام والهروب من الماقف واني ممكن استسلم في اي لحظه وكمان المواقف دي هيتكرر زيها كتيير باشكال مختلفه بالله عليكم ردوا عليا
على كل حال الذي حصل انتهى، ونسأل الله عزوجل أن يغفر للجميع ويثبتك على الحق ويُصبرك على ما أنت فيه ويعينك ودائماً التقرب إلى الله بالطاعات تحتاج إلى صبر كبير وجميل والله المستعان .
لاتوجد تعليقات