إصبري واحتسبي والله يعينكم

لسلام عليكم من فضلك انا مشكلتي ان والدي منفصل عننا من زمان و كان دايما علي خلاف شديد جدا جدا مع والدتي ادي لطلاق مرتين و رجوع و بعدين انفصال بدون طلاق مع العلم ان حتي في العادي هو منفصل عننا طول العمر و علاقتنا بيه انا و اخواتي البنتين سيئه جدا بسبب حاجات كتير بيعملها و عملها معانا و اذي شديد اذاه لكل واحده فينا بالاضافه لأمي طبعا و مش هقدر اعيب و لكن للتوضيح هو شخص اصبح غير متزن نفسيا لاسباب كتيره.. المشكله اني عندي 20 سنه و ربنا كرمني بشخص محترم بعد محاولات و ذل شديد لابويا وافق علي خطبتي له و لكنه من بعدها و هو بيحاول يأذيني في الخطوبه بدون اي اسباب مقنعه و انا بحاول اتفهمه بس فشلت لان الاسباب كانت مؤذيه و ملهاش معني زي " هفضل اخرب حياتك و مزاجي كده و انا بكرهك عشان انتي شبه امك في الشكل " و انا صبرت و فهمت خطيبي الوضع عشان يتحمل معايا مشاكل بيعملها و اذي بالكلام و الافعال و ضربه ليا قدام خطيبي و لما عاتبته قالي " بكسرك قدامه " و رأي جميع اللي حواليه انه غلطان من زمان.. بس انا دلوقتي حان وقت الزواج و طبعا هو معاند بمنتها الشده و حاولنا معاه كتير جدا جدا بكل الاشكال و هو قال مش واقف في جواز حد مليش دعوه بيكم انا بره حياتكم و مش هدخل في حاجه و ده اخر ما عندي.. انا مش عارفه اقدر اتمم عقد القران ازاي من غيره مع العلم اني معنديش عم او خال او اجداد او حد من الاهل القريبين.. هل احكم علي نفسي متجوزش انسان صالح و خطيبي عشان و لا حاجه و لا اعمل ايه لأني في حزن و ضيق شديد.. جزاكم الله خيرا