هذه مشكلة سمعتها من طرف واحد ، ولكن…………

انامتجوزة من 4 شهور ونص منهم شهر ونص عند اهلي غضبانة وتقريبا وصلنا للطلاق اكتشفت ان انا اتجوزت واحد تاني غير اللي عرفته يمكن في اخر فترة من الخطوبة كانت بدأت تظهر حاجات وانا كنت بقول عشان هو مضغوط ولوحده في تشطبيات الشقة. أولا :-اكتشفت ان جوزي لا يمت للدين بصلة وللاسف اللي معندوش دين معندوش اخلاق وغيور جدا لدرجة الشك الرهيب البشع في كل التصرفات لدرجة ان المفروض بيتي يكون مصدر امان ليا بئه مصدر رعب ليا لاني متراقبى 24 ساعه لانه من كتر شكه ومن كتر اللي اكتشفت انه عمله في حياته فاكر اني ممكن اخونه بالتليفون او اي حاجة لان مافيش شغل حاليا وانا كنت اخدت اجازة لحد ما يبدء مشروعه وانا خلافه تماما الحمد لله علي قدر من التدين جدا وبخاف ربنا اوي اوي في كل افعالي وبعيد كل البعد عن اي مصدر للشك اساسا لان ببساطة اللي عارفه ربها عارفه حدودها ايه. اما بالنسبة لموضوع العلاقة الزوجية فاشلة جدا لانه عصبي جداااااااااااااااااااااااااا حتي في الموضوع ده فبقيت بعيده كل البعد عنه وبقيت بخاف اوي اوي وده والله غصب عني مش بمزاجي خالص واما حصلت المشكله الكبيرة بيني وبينه في رمضان جيت عند اهلي وبدء يسال عن حقوقه هو اما يطلقني وهو بيقول لكل اللي حواليه ان انا حد كويس جدا جدا بس هو مش عايزني لاني بيعته وسبته في رمضان كأن انا اللي قررت وهو معمليش اي حاجة والا كأن فيه مشكله حصلت اصلا وفي نفس الوقت خرج اسرار علاقتنا بره ووصلي ده من واحده صاحبته بالتليفون وهي مش بتوقع لان فيه كلام دار بيني وبينه بس عن حاجة معينة ولقيت نص الكلام بتقولهولي حصلتلي صدمة وانهرت تماما انا مش عارفه ايه الوضع اخويا بيقولي كده خلصت انتهت لازم نرفع قضية طلاق موصلتشي القذارة للدرجادي وانا تعبت اوي الشهرين ونص دول كانوا عشر سنين لاني شفت فيهم ايذاء جسدي ونفسي رهيب انا كنت جايه عند اهلي بواقي بني ادمه وانا لسه عروسة المفروض يعني فمش عارفه اسمع كلامهم والا احاول تاني وخصوصا ان فيه نواحي كويسة طيب حنين كريم اوي بس يدي وفي لحظات الغضب يعاير باللي اداه حتي في حلال ربنا بجد مش عارفه اوافق علي موضوع قضية الطلاق والا فيه مخرج او حل وخصوصا انه عنيد اووووووووووي ويستكبر انه يجي ياخودني اساسا رغم اني بيحبني بشكل رهيب بس هو حد ذو طبيعة متناقضة وشخصية غريبة لدرجة اني شاكة انه مريض نفسي عقلي بئه رافض وضعي كله بس اما دخلت هنا لقيت فيه ناس ابتلائتها اكبر وعظيمة فقلت يمكن يكون فيه حل من عالم دين او استشاري نفسي فياريت يكون كده

 هذه مشكلة سمعتها من طرف واحد ، ولكن المرأة يمكنها أن تفاتح زوجها بصراحة وتضع أمامة الحقوق والواجبات فإذا وافق الطرفان تم نسيان الماضي وفتح صفحة المستقبل وإذا رفض هذه الشروط فهي مخيرة بين الصبر عليه وتحمله ويعوضها الله خيراً في الدنيا والآخرة أو تطلب الفراق ومن حقها ذلك، وأن تصلحي بينك وبين الله عزوجل حتى يُصلح بينك وبين زوجك .