ما بُني على باطل
السلام عليكم من حوالي سنة و نصف قمنا بشراء منزل و كان المنزل فيه جزء مبني مخالف و كان سعرها اقل لهذا السبب و نظرا ان معظم المنطقة مخالفة مكنش فيه قلق و قلنا مش مشكلة ان شاء الله عشان في البلد اللي عايشة فيها نادرا اما بتحصل ازالة للمخالفات و حتي امام القسم و مبني الحي نفسه عمارات مبنية مخالف و محدش فكر يشيلها ...بعد سنة و نصف قام احد الساكنين بالعمارة الخلفية بعمل شكوي بدون اي سبب و ذهب للحي و بلغ عن المخالفة دي..ف جالنا حاجتين اول حاجة قرار ازالة من الحي و مكتوب فيه ان موظف من الحي جه و قالنا منبنيش و احنا اصرينا و بنينا و ده كذب طبعا لاننا شاريين الشقة كدة و تاني حاجة كاتب ان مساحة المخالفة 160 متر و مساحة المخالفة الحقيقية متتعداش ال 50 متر تاني حاجة بناء علي الكلام ده الموضوع وصل للمحكمة و اتحكم بقضية و بغرامة 280 الف جنيه بس القضية دي علي اسم جوزي ..ف كان من فترة للتانية بيجي محضر ف قررنا اننا نبيع الشقة بس قلنا نسال الاول المحامي هل هيبقي فيه ضرر علي المشتري بعدنا...قالنا القضية باسم الزوج ف المشتري ملوش اي علاقة و قرار الازالة مش بيتنفذ طالما فيه حد ساكن في الشقة و ان شاء الله اما نخلص من القضية بنحل موضوع الازالة ده ف قالنا مفيش ضرر عليهم ان شاء الله ..و الافضل اننا منتواجدش في الشقة عشان المحضر ميلاقيناش علي ما نحل القضية ان شاء الله...ف بناء علي كدة عملنا اعلان للشقة و طبعا قررنا اننا منقولش ان الشقة عليها مشكلة طالما انه مش هيفرق حاجة مع المشتري...و جم ناس اتفرجو علي الشقة و قولنالهم ان فيه جزء مبني مخالف و سالونا هل حد اشتكانا قبل كدة قلنا المنطقة كلها مخالفة ف ليه حد هيشتكيكي طالما مفيش مشكلة مع حد.. و ده برضه كان بناء علي ان هم ملهمش علاقة ف قلنا لا ضرر ولا ضرار عشان اكيد لو قلنا لاي حد محدش هيشتري و في الاخر هم مش مضرورين.ف تمت البيعة و بعدها الناس عرفت الموضوع كله وكمان المحامب قال مينفعش نحل القضية دلوقتي و فيه حل اننا نقعد 3 سنين لحد ما القضية تسقط لوحدها و فب خلال الفترة دي لو قدرها نحل القضية و نجيب براءة هنعمل كدة و الناس بعدها كلمونا قالولنا اننا ضحكنا عليهم و طلبو يقابلونا و قابلناهم و جابولنا عقد تاني مكتوب فيه ان اي ضرر هيحصل او اي غرامة او مشكله علي الشقة ان احنا اللي هنتحملها و كمان ان من حقهم يطالبونا بتعويض و فعلا مضينا علي العقد ده....و سالناهم اهم حاجة انهم يكونو راضيين و مسامحين لاننا مكنش قصدنا نخدع او نضحك علي حد بدليل اننا قابلناهم بعد كدة ف كان ردهم انهم مش قادرين يسامحو قوي عشان مش عارفين ايه ممكن يحصل قدام (قصدهم علي قرار الازالة) و بعدها كلمناهم في التليفون لنطمئن عليهم و قالولنا والله اننا نفسيا مضايقين و لو فيه امكانية نرجع في البيعة..و ساعتها فعلا كنا اشترينا شقة تانية عشان نعيش فيها. و مش معانا الفلوس خلاص ...ف السوال هنا هل فيه حرمانية في اللي حصل ولا بعد ما مضينا العقد التاني و ده يعتبر بيشيل عنهم اي ضرر كدة خلاص مفيش حرمانية و هل لازم ارجع في البيعة و اديهم الفلوس او اعرض عليهم انا كدة ولا كدة خلاص (مع الاخد في الاعتبار انهم عارفين ان الشقة فيها جزء مبني مخالف يعني هم كانو ممكن يكونو عرضة ان حد يشتكيهم عادي) و برضه سؤالي لو العقد ده بيأمنهم طب لو احنا توفانا الله كدة هم هيطالبو بالتعويض من مين و شكرا و اسفة علي الاطالة
هذه البيعه غير صحيحة ولا تجوز لكتمان العيب وما مرت به مصر الشقيقة من أزمات وبدأ الناس يخالفون في البنيان ولم تتفرغ الدولة لعلاج الأمر ولما شعر الناس أن كل المخالفات سيتم هدمها بدأو يبيعون وأصلاً ضمانكم غير حقيقي بدليل أنكم اشتريتم شقة ولا توجد عندكم الموال، وما بُني على باطل فهو باطل والله أعلم .
لاتوجد تعليقات