لا تيأس من رحمة الله وأكثر من الدعاء

ضاقت بي الدنيا خريج جامعي بقالي حوالي سنة قاعد بدون شغل دورت كتير ودعيت كتير حاسس اني دعائي مش بيستجاب عارف ومتاكد ان الطريق اللي هيرجعني طبيعي هوا طريق ربنا بس مش عارف امشي فيه بتقدم خطوة وبعدها برجع مية خطوة قلبي قسي من كتر المعاصي والذنوب معتش بحس بلذة الصلاة والخشوع فيها ولا الصيام مش بصلي غير صلاة الجمعة اسبوعيا وبصليها تادية واجب ويوم مابجبر نفسي علي الصلاة بحيث اني اتعود مبكررهاش مش اجتماعي ومليش حد اكلمه واشكيله غير ربنا بس بشكي الوقتي حالي وبعدها بثواني بعصيه فابتاكد ان ربنا مش هيسري اموري وده اللي بيحصل اعمل ايه عشان ارجع في طريقي الصح والله علي طول بقول الحمد والشكر لله وديما بقول ربنا كاتبلي الافضل بس الافضل لسه مجاش ارجوكو فيديوني انا ماليش حد اسئله ومبعرفش اروح لشيخ جامع اشرحله واخد مشورته انا فكرت ف الانتحار كتير بس مش طموحي اني اقابل ربنا وانا عامل اكبر الكبائر افتوني ياهل الفتوي ...