حاولي ترجعيهم إلى الشركة….

ا نا كنت بشتغل في مصنع في مصر بس اصحاب المصنع من الهند وانا كنت سكرتيرة لأحد المديرين الهنود في الشركة ومن احد مسؤلياتي اني احصًل فلوس مديري من خزينة الحسابات..وفي يوم أستلمت 450 جنيه عشان مديري بس للأسف اخدتهم لنفسي من غير علمه..وكنت محتاجاهم وقلت اول الشهر هرجع الفلوس وابرر اي سبب لمديري الموضوع ده كان سنة 2010 تقريبا و انا دلوقتي تركت عملي في نوفمبر 2011 وقررت في اول رمضان اني أكفر عن كل ذنوبي اللي عملتها في السنوات السابقة واتوب الى الله واول حاجة فكرت فيها اني أرجع اي دين او رشاوى دفعتها قبل كده: الرشوى الوحيدة اللي دفعتها في حياتي كانوا 15 جنيه لرخصة السواقة ودول هطلعهم صدقة ان شاء الله أما 450 جنيه اللي اخدتهم من مديري بغير علمه مش عارفة اعمل ايه؟؟؟ لو بعت جواب للشركة بأسمه وفيه المبلغ هيتصل بيه و يسأل الفلوس دي بتاعت ايه؟ ساعتها مش هعرف اقوله ايه بعد سنتين ثانيا ان حالتي المادية حاليا لا تسمح عشان اصبحت مراة عاطله.. لو اتاح معايا المبلغ ده اعمل ايه؟؟ هل اتصدق بيهم ولا اعمل ايه؟؟ ارجوك ساعدني عشان انا مش بنام من كتر التفكير ف الموضوع ده أشكرك

 حاولي ترجعيهم إلى الشركة بأي مبرر وإذا رفضوا إستلامها تتصدقي بهم ولو كان على شكل دفعات .