( إن الحسنات يذهبن السيئات) .

السلام عليكم انا تعبانه جدا وعايزه اعرف اللي عملته ده يبقي رمي محصنات ولا لا انا كنت مخطوبه وخطيبي سابني عشان رفضت انه يدخل ف بيتي فلوس فيها شبهه حرام وسابني عشان خفت عليه من الحرام ده المهم بعد ما سابني انا قلبي انكسر كنت موجوعه جدا لاني كنت بحبه فاول ما خطب كسر قلبي زاد والسواد ملاني فعملت اني كلمته ع الفيس من اكونت مجهول وهو قال فيه كلام وحش مش كويس يعني كلام عن الجنس ولابسه ايه والكلام ده انا اسفه يعني فاخدت الرسايل دي وبعتها لخطيبته واهلها وهما مصدقوش وقالوا ان انا مفبركه المحادثه رغم ان المحادثه والله هو اللي متكلم فيها بالفعل المهم انا اتضايقت جدا ان اسمي جه ف الموضوع وازاي يقول ان انا مفبركه ده فنزلت الرسايل دي ع الصفحه بتاعة خطيبته واهله وف جروبات كتير عشان الناس تشوفها انا كان غرضي بس انه يفسخ الخطوبه مكنش غرضي اني اتهمه بحاجه المهم هما مصدقوش فبدات افبرك رسايل زي اللي هو كان متكلمها بس باسماء تانيه وغيرت بعض الكلام عشان يصدقوا انه مش كويس ويفسخوا وفبركت ورقه جواز عرفي وبعتهالهم ونزلتها بردوا ع الفيس واتهمته بالتحرش ف الشارع كل ده باسم مستعار انا والله كان قلبي مكسور ومعرفش كنت بعمل ده ازاي المهم هما مصدقوش واتجوز وخلف وعايش مبسوط والناس مصدقتش لكن ف بعض الناس صدقت اللي كان بينزل انا دلوقت عرفت رمي المحصنات وخايفه يكون هو ده اللي ازا عملته عايزه اعرف هو ده فعلا ولا لا ولو رمي محصنات ايه كفارته انا ربنا سترني الفتره اللي كنت بعمل فيها ده ومتفضحتش كان كله باسم مستعار ومحدش يعرف ان انا اللي كنت بعمل ده يمكن شاكين انما مش متاكدين ومينفعش اروح استسمحهم يسامحوني وافضح نفسي لان كده هتفضح ف البلد وهيبقي شكلي وحش افيدوني لان احساسي بالذنب هيموتني ايه اللي المفروض اعمله